Glade målscorerar: Frå venstre Kristine Sætre, Gina Rundtom og Irene Humborstad.
Voldas damelag i 2. divisjon slo søndag Tynset 3-0 etter at det stod 1-0 ved pause. Volda vann dermed begge kampane sine denne helga og tok dermed ein kjempefin avskil med heimepublikum. No ventar det tøffe bortekampar mot Træff, Hødd og Sunndal før spelarane kan takke av ein god førstesesong i 2. divisjon.
Det vart ein sterk og fullt fortent siger over lag nr. 2 på 2.divisjonstabellen, Byåsen, då damelaget kom med sitt bidrag til "Festhelga for voldafotballen", på stadion laurdag ettermiddag. 5-2 lar seg absolutt høyre etter mål av: Camilla Aure, Irene Humborstad, Eli Karin Sjåstad Aasebø, Malene Aambakk og Kamilla Bjørneset.
Volda vann laurdag 28. august 5-1 borte mot Ranheim. Volda sine mål kom ved Camilla Aure (3), Maren Nordang og Kamilla Bjørneset. Ved pause stod det 2-0 til Volda. I sluttminutta var det Hawaii-fotball med tre mål scora frå det 90. minutt til kampslutt! Eitt til Ranheim og to til Volda...
Camilla Aure (3)
Maren Nordang
Kamilla Bjørneset
Det bør også nemnast at Voldas målvakt Heidi Muren redda straffe på stillinga 2-0 til Volda.
Voldas damelag i 2. divisjon gjekk på to knappe tap i Trøndelag helga 21.-22. august. Laurdag vart det 2-1 tap mot Trondheims Ørn sitt 2. lag. Kristine Sætre scora Volda sitt eine mål på stillinga 2-0. Søndag vart det 2-0 tap mot Kattems 2. lag. Voldas damelag ligg midt på tabellen og er sikra spel i 2. divisjon også neste år. Oppover på tabellen er stillinga slik at Volda framleis er med i kampen om 4. plass. Volda spelar sine to siste heimekampar for året 4. og 5. september.
Klikk her for utskriftsvennleg versjon