A-laget: Uavgjort 1-1 mot Norborg Av: Jo Harald Grimstad [Sist endra: 10.05.2009 09:51:47]
 |
|
Det vart berre 1-1 mot Norborg på stadion i kveld. Og det var gjestane som tok leiinga i 1. omgang. Kato Vangen skapte balanse i rekneskapen etter pause. | Det var ikkje spelt eitt minutt av kampen ein gong før første store sjansen kom. Knut Arne Grimstad mista ballen i midtforsvaret og ein Norborg-angripar snappa ballen og sette fart mot målet. Men heldigvis for Volda sin del gjekk skotet utanfor. Volda forærte i det store og det heile Norborg ein del sjansar i første omgangen og då spesielt gjennom slurv i midtforsvaret. Og etter 24 minutt straffa det seg. Eitt nytt balltap fører til at Skjalg Volstad i Norborg-angrepet får føre ballen mot Volda-målet og det ikkje altfor velplasserte skotet frå i overkant av tjue meter går inn til høgre i målet. Etter kampen var ikkje trenar Arild Hagen Bakke veldig nøgd med nettopp dette.
-Det er vi som skapar målet for dei i første omgang, seier ein litt oppgitt Volda-trenar.
For i første omgang var det Volda som hadde ballen nær sagt heile tida, og bortsett frå ei periode midtvegs i omgangen var dei det dominerande laget men utan å skape altfor store sjansar.
Der første omgang starta med ein kjempefeil og stor sjanse til Norborg, der starta andre omgang med kjempespel og ein stor sjanse til Volda. Ole Magne Rotevatn får spelt fram banens beste, Rune Haugen, på høgrekanten, han slår eit godt innlegg som Atle Driveklepp tar på heil volley på bakerste stolpe, men desverre halvmeteren utanfor. Etter den flotte opninga så døyr kampen litt og Norborg lukkast veldig bra med å dra ned tempoet i kampen, noko Hagen Bakke var småirritert over.
-Etter at dei tar leiinga så går dei kun inn for å øydelegge kampen og det får dei lov til, seier heimetrenaren.
Ein av få sjansar i den første halvdelen av omgangen fikk Norborg. Eitt frispark vart slått inn mot mål, Nikolai Engeset greier ikkje halde ballen og ein Norborg-angripar sett returen i mål. Men det var vinka for offside. Atter om lag halvspelt omgang fikk Volda si fortente utlikning, men det måtte ein dødball til. Eit langt kast frå Knut Arne Grimstad inn i målgården til Norborg gjer at det oppstår ein del klabb og babb. Først blir ei avslutning meisterleg redda av Norborg sin sisteskanse, så dukkar innbyttar og goalgetter Kato Vangen opp og set inn returen. Etter utlikningsmålet skjedde det ikkje så mykje foran måla på Volda stadion før vi var over på tilleggstid. Volda skapar først ein stor sjanse då Kato Vangen kjem seg til linja og slår ut i feltet, men skotet blir blokkert. Fire minutt på overtid får Norborg kampens siste sjanse, men skotet frå seksten meter vert flott redda av Engeset i Volda-målet. Dermed vart det eitt mål til kvart lag og poengdeling.
Veldig rufsete bakfrå i oppspelsfasa der særleg midtstopparparet Gjertsen og Grimstad gav vekk ein del farlege ballar. Også keeper Engeset bakerst virka rusten. Størst pluss til Rune Haugen som var eit aktivum på høgresida til Volda, godt assistert av Ole Magne Rotevatn. Venstresida til Volda fungerte ikkje denne gongen og alt av sjansar vart skapt frå høgre. Alt i alt ein kamp Volda skal vinne.
FAKTA:
Volda-Norborg 1-1 (0-1)
Volda stadion, kunstgras A
Tilskodarar: 120
Dommar: Per-Ola Utgård, Hundeidvik
Mål: 0-1 Skjalg Volstad (24), 1-1 Kato Vangen (67)
Laget: Nikolai Engeset, Isak Husøy (Hans Husøy,72.min), Knut Arne Grimstad, Anders Gjertsen, Lars Johan Holsvik, Rune Haugen, Ole Magne Rotevatn, Anders Heggen, Atle Driveklepp, Christian Malmo (Rasmus Aarflot jr.,65.min), Øystein Skare (Kato Vangen,46.min)
”Mørepoeng”: Rune Haugen 3, Anders Heggen 2, Ole Magne Rotevatn 1
Sjå ballgutane i kampen - mini 2000.
 |
| Ikkje lett å skubbe seg på Anders Gjertsen. |
 |
| 0-1 til Norborg. VTI kasserar Peder Barstad har orkesterplass til mål i feil ende ... |
 |
|
 |
|
 |
| Heile 4 video-lag med HVO-studentar følgde kampen for å få trening før dei skulle filme på X2-festivalen i helga. |
|
Tips ein venn
Klikk her for utskriftsvennleg versjon