Danacup B14 - Uavgjort mot Rakkestad - biletreportasje

I siste kamp i gruppespelet vart det uavgjort mellom Volda og Rakkestad. Volda hadde ein teoretisk sjanse til å ta seg til A-sluttspel, men det føresette siger mot Rakkestad. Volda starta kampen best, og hadde godt trykk mot dei blåkledde. Mot spelet sin gang skåra Rakkestad midtvegs i første omgang. I andre omgang pressa Volda Rakkestad bakover på bana, og Matias utlikna for Volda. Gutane fekk blod på tann, men trass god innsats og fleire gode mogelegheiter, var laga like gode då sluttsignalet gjekk. Rakkestad hadde sine målsjansar, så alt i alt eit greitt resultat. I morgon ventar B-sluttspel for gutane.