Boys 19: Klar for A-sluttspel etter klar siger over Haslum 3-1(2-0)

I denne kampen tok Voldakarane fram finspelet og Haslum hadde i realiteten ikkje noko å stille opp med. Volda tok tidlegleiinga ved Sondre Lûtcke Lied etter fint forarbeid av Isakane(Skjærseth og Husøy). Utover i omgongen vart Haslum springande i mellom og Volda produserte fleire sjansar før scoring nummer 2 kom på korner der Tobias Evebø raga høgast og headda kontrollert i mål. Pauseresultat 2-0.

Nokre bytte i pausa og nyinnkomne Vegar Johannes Egset scora på sitt andre touch på ballen. Ein kan trygt seie det va fin touch på det skuddet - frå 20 meter plasserte han fint ballen over keeper. Med det målet var kampen punktert og Volda kontrollerte resten av omgongen. To minutt før slutt fekk Haslum ein sjelden sjanse og corner som dei skora på.

Volda har med med fleire rutinerte A-lagsspelarar, dei har ikkje vist seg særleg fram i dei fyrste 2 kampane. Men i ettermiddag tok dei tak og det lovar godt. Spesielt var midtbana solid ved Rasmus Aarflot, Bjørnar Liaskar og Hans Husøy. I tillegg ruva Tobias Evebø i midtforsvaret pluss i angrep på alle døballar. Av unggutane imponerte Jonas Krøvel på høgreback. Men kjempeinnsats av heile laget i denne kampen.

Volda enda på 2. plass i pulja bak suverene Vindbjart.  

Rasmus fyrer laus

Isak med pasning til Sondre som scorer 1-0 målet

Isak farleg frampå

Hans stussar - utafor

Tobias og 2-0

Vegar Johannes - og 3-0

Jørgen Vinjevoll

Nesten for Sondre

Guttespelar Jan Petter fekk det tøft på høgrevingen mot staute Haslumbackar

Tobias med eit slags brassespark

Emil fortviler over missbruk av stor sjanse i sluttminuttet

Snart klar for lagbilde - keeperane slit mest med sveisen.

Bak f.v.: Trenar Vidar Egset, Hans Husøy, Sondre Fossheim, Tobias Evebø, Vegard Hellebust, Magnus Nedrelid Heggen, Petter Hove, Snader Håskjold Nyland, Jan Petter Mork, Sondre L lied og Manager Rolf Liaskar. Framme f.v: Jørgen Vinjevoll, Jonas Krøvel, Bjørnar Bakke Liaskar, Isak Husøy, Rasmus Aarflot, Vegar Johannes Egset, Isak Skjærseth og Emil Folkestad.