Danacup 2010: Jenter 14 år klare for kvartfinale - Volda-Bøler 4-1

Jenter 14 år vann klart 4-1 i 1/8-dels finalen.

B1/8-dels finale: Volda - Bøler 4-1 (2-1)

Volda gjekk raskt opp til 2-0, deretter 2-1. Det stod 2-1 til pause, og etter pause gjekk Volda kjapt opp til 4-1. Jentene fekk også si første erfaring med eit lag som hadde ein systematisk offside-taktikk. Eit lite hyggelig minne frå kampen var utidig munnbruk av ein spelar på Bøler, som til slutt fekk gult kort. Målscorerar for Volda var Andrea Larsen, Rakel Berg Rusten og Vilde Kristiansen.  

***

Volda kom på tredjeplass i grunnspelet etter ein siger og to tap og ein målskilnad på 7-7. Dermed er Volda klar for B-sluttspel.

3. kamp: Volda - Nordstrand 2-4 (2-0)

- Jentene kjempa heroisk! Nordstrand hadde ikkje sluppe inn mål før kampen mot Volda, så dette var kjempeartig, seier trenar Ulf Kristiansen. Målscorar for Volda var Andrea Larsen og det andre var sjølvmål. Nordstrand fekk eit kjapt mål tidleg i andre omgang og var eit svært godt lag som var tydeleg frustrert over å ligge under mot Volda som dei visste ikkje hadde erfaring frå 11-arfotball frå før. Nordstrand er elles KM-vinnar frå Oslo, så Volda spelte ein god kamp mot eit kjempegodt lag, og dette gir grunn til å håpe på eit spenande B-sluttspel for jentene som har spelt betre og betre i kvar kamp.

2. kamp: Volda - Vikingiit 4-0 (2-0)

Det var einvegskøyring i kampen - Volda var raskare og fekk rom å spele på så dette var ein grei kamp for Volda. Mange fekk mykje speletid. Målscorerar for Volda var Gabriella Bratteberg, Andrea Larsen, Vilde Malene Kristiansen og Anja Følsvik.  I tilegg hadde Volda også eit mål som vart annullert.

1. kamp: Volda - Madla 1-3 (1-2)

I sin første skikkelige 11-ar kamp tapte Voldas 14-års jenter 3-1 mot Madla. Stillinga ved pause var 1-2 til Madla. Andrea Larsen scora Volda sitt mål på stillinga 0-2.